Sancho el Sabio Fundazioaren helburu nagusia informazioa eta bertan gordetako dokumentuak eskuratzeko lana erraztea da. Politika horren barruan, fondo horiek kopiatzea sartzen da. Legezko abisua

• Indarreko legeriaren eta egile-eskubideen arabera, ezinezkoa da dokumentuak oso-osorik kopiatzea. Aldizkarien artikuluak, kapituluak edo dokumentu zatiak soilik kopia daitezke, betiere hezkuntza- eta ikerketa-xedeei begira.
• Kopiatuta erakusten diren lanei dagokienez, dagoen euskarri horretatik soilik egin ahal izango da kopia.
• Prentsa ezin daiteke zuzenean fotokopiatu. Kopiak dauden euskarrietatik lortuko dira.
• Fundazioak berak erreproduzituko ditu material grafikoak -argazkiak, grabatuak, mapak, kartelak-, kamera digitala erabiliz. Ikerlariak digitalizazio horren kostua ordainduko du.
• Halaber, ikerlariek ezin izango dituzte fondoak eskaneatu, haiek ekarritako aparatuak erabiliz.

Kopia liburutegian bertan eska daiteke, edo bestela eskaera posta arruntez, faxez edo posta elektronikoz bidaliz honako helbide honetara:

Sancho el Sabio Fundazioa
Portal de Betoño, 23
01013 – Vitoria-Gasteiz
Tel.: 945 253932 · Fax: 945 250219
E-mail: fs-inv@sanchoelsabio.eus

Eskaeran honako hauek zehaztuko dira:

• Datu pertsonalaK, posta arruntaren eta/edo posta elektronikoaren helbidea, eta NAN edo IFZa. Datuak babestea
• Bibliografia-erreferentzia osoa:
  • Monografiak: egilea, titulua eta urtea.
  • Aldizkariak: titulua, zenbakia edo liburukia, urtea eta orri kopurua.
  • Aldizkari/monografia-artikulua: artikuluaren egilea eta titulua, aldizkariaren titulua eta zenbakia edo liburukia, urtea eta eskatutako artikuluaren orri kopurua.
• Kopiak zertarako behar diren ere adieraziko da: norberaren erabilera, ikerketa edo argitaratzea.

Datu babesa.

Ikerketa egiterakoan, erabiltzaileak SANCHO EL SABIO FUNDAZIOAREN fondo digitalizatuetako irudiak, inprimatzeak edo kopiak baliatu eta bildu baditu, ikerketa hori argitaratu aurretik, dagokion baimena eskatu beharko dio Fundazioari idazki baten bitartez. Gainera, lana argitaratu ondoren, lanaren ale bat bidaliko dio.

SANCHO EL SABIO FUNDAZIOAREN fondoen kopia partzialak bilduko diren argitalpenetan, fondo horien jatorria aipatu beharko da. SANCHO EL SABIO FUNDAZIOAk fondoak kopiatzeko emandako baimena argitalpen baterako bakarrik balia daiteke. Lana berriz ere argitaratu nahi bada, beste baimen bat eskatu beharko da.