Bekak

Sancho el Sabio Fundazioak Sancho el Sabio Ikerketa Lehiaketaren deialdia egin du Masterreko eta Doktoretzako unibertsitateko ikasleentzat, euskal gaiei buruzko ikerketa eta Fundazioaren funtsen erabilera sustatzeko. Masterrean eta doktoretzan matrikulatutako unibertsitateko ikasle guztiek hartzen ahalko dute parte. Parte-hartzaileek agiri bidez egiaztatu beharko dute baldintza hori, lana entregatzean. Ikasten duen ikastetxeko irakasle batek abalatuko du. Lana argitaratu gabea izango da, eta euskal kulturaren eremuko lurraldeetako edozein hizkuntza ofizialetan (euskara, gaztelania, frantsesa) edo ingelesez idatzi ahal izango da.

Azken deialdia (2025):

Deskargatu PDF

Unibertsitatearen eginkizunen artean dago zientzia sortzea, garatzea, transmititzea eta kritikatzea, bai eta jakintza zabaltzea ere kulturaren, bizi-kalitatearen eta garapen ekonomikoaren zerbitzura. Etengabeko prestakuntzak eta kanpoko enpresa eta erakundeetako praktikek aukera ematen diote unibertsitateko prestakuntza hori inguruko errealitate sozial eta profesionalera hurbiltzeko eta ezagutza teorikoen prestakuntza praktikoa sustatzeko. Historiako edo Filologiako titulazioen kasuan, funtsezkoa da lehen mailako dokumentu-iturriekin harremanetan jartzea ikerketa-teknikak eta -metodologiak garatzeko, bai eta pentsamendu kritikoa garatzeko ere. Informazio Zientziekin eta Dokumentazioarekin lotutako titulazioen kasuan, liburutegiak antolatzeko, katalogatzeko eta deskribatzeko prozesu teknikoetan eta liburutegiak edo artxiboak kudeatzeko sistemen erabileran aritzeak, kasu askotan, lehen lan-esperientzia izateko aukera ematen du. 

Sancho el Sabio Vital Fundazioak unibertsitateko ikasleen prestakuntza praktikoan laguntzen du, Euskadiko (Euskal Herriko Unibertsitatea) eta Nafarroako (Nafarroako Unibertsitate Publikoa) unibertsitateekin sinatutako hitzarmenen bidez, baina baita estatuan (Carlos III.a Madril Unibertsitatea) eta nazioartean (Université Toulous Jean Jaurès) ere.

Bibliografia beka, Sancho el Sabio Fundazioko lehen zuzendaria, Jesús Olaizola Múgica, omentzeko. Espazioko funts eta datu-baseen informazioa osatu eta eguneratuko duen datu-base bibliografikoa egiteko, ekimena edozein diziplinatan diplomatu edo lizentziatuentzat zabalik dago.

Lanak gai librekoak dira (zientzia, teknologia, zuzenbidea, artea, hizkuntza, historia, etab.), betiere euskal kulturaren ezagutzaren esparruan, eta edozein diziplina artistiko jorratu ahal izango dute, edozein euskarritan.

Beka banaka edo ikerketa-talde bati eman ahal izango zaio, eta proiektu bakoitza adituen epaimahai batek baloratuko du.

Betoñuko espazioak euskal herriaren memoria bibliografikoa eta dokumentala gordetzen du, bere historiaren eta aniztasun ideologikoaren bidez, gaur egungo gizartearen ezaugarrietako bat dena. Horrela, 1964az geroztik, bertako liburutegiak funts baliotsua du, monografiak, aldizkako argitalpenak, argazkiak, eskuizkribuak, mapak edo familia-dokumentazioa biltzen dituena. Euskal kulturaren ikerketarako ezinbesteko erreferente bihurtu duen ondare aberastasun handia du zentroak.